「曾經，有一隻Online Game叫龍族。」
中學時期係Online Game開始發威嘅年代，隻隻講到名嘅都可以叫經典，石器時代、天堂、金庸、魔力，一定是但玩過一隻，而我係龍族嘅玩家。
當時無課金，全部都係收費，好似$98一個月？一開始見到，我係拒絕的，你總唔能夠我未玩過就交月費。所以佢好貼心，有埋日費制同點數制，都叫有良心嘅，真係計足24小時0分0秒。
「我仲有2分鐘要Logout 喇，唔係又開一日」係果陣身為窮困學生嘅我最常講嘅説話。
但好快，我已經轉左月費，因為我沈迷左係果個世界。
每日放學番到屋企，第一時間唔係開需腦，因為你無offline過，係你訓緊番緊學嘅時候，你掛緊Pcworker自動練工。
Game入邊講最多嘅唔係粗口，因為遇到唔岩你會開紅PK殺左佢。
同依家遊戲好唔同。
個Friend List係長期綠色，你要考慮邊個無咁Fd而del走佢而唔係幾耐無上線or無作用。
每個人都會參與交易因為無野叫綁定。
公會頻係用黎吹水多過解任務拎道具。
老套D講，佢有樣野叫人氣。
就算依家D Game，幾好玩，幾多人玩，每個人都九成係活係自己世界入邊。
每隻Game都係話比你知，你比錢就可以單機玩多人遊戲。咁係咪真係仲係線上遊戲呢？
Btw，龍族好似出手機版，但我唔知仲有無人會一齊玩。
Search